Buraanburku waa qayb ka mid ha suugaanta waxaan uu gaar u yahay Dumarka.
Buraanburku waxaa uu gaar u yahay Dumarka somalida meel kasta ha joogaan,
sida Gabeygu Ragga ugu gaar ahaa, isla markaa buraanburku qaabab gooni ah ayaa loo buraanburaa taas oo ku xidhan hadba gobalka
la joogo, sababtoo ah wadanku uu weyn yahay dadkuna ismey soo gaadhin jirin sidaa darted ayaa qollo welib nooc u gaar ah ugu
luuqeysaa. Buraanburku badanaa waxaa uu ka hadlaa ama loo adgeegsadaa farxada aroosyada/amaan ahaan/waanno/dardaaran iwm.
waxaa kaloo loo isticmaalaa diilada/cabashada hadii naag marwo ah uu xumeeyo ninkeedu ama xilkii reerkooda ka soo bixi waayo.
xaawo ayeeyo
BURAANBUR KA HADLAYA NABADDA IYO XUQUUQUL
INSAANKA
Buraanburkaan waxaa tirisay Haweeneyda la yiraahdo
Xaawo Jabriil Maxamed, waxayna uga hadleysaa dhibaatooyinka dagaallada sokeeye iyo xadgudubyada xuquuqul Insaan ee loo geysto
dadka Soomaaliyeed gaar ahaan Dumarka, waxayna ku billowday Buraanburkeeda:
Xuquuqul Insaanki iyo Diintiiba lagu xadgudub
Xabbaddii ma ay joogsan Nabaddiina lama xasilin
Xinjir baa qubaneysa Xarbigiina ma uu dhammaan
Meyd aan la xabaalin baa Xaafadaha dhexyaal
Baladu Xamar kaliya maahee Xaggii walbaba
Xinka Qabiilkiyo xasuuqiiba waa jiraa
Xarrago Gobanimo ma naqaan Calan Xurmadiis
Waxaa xaqiiqowday Xayawaan inaanu nahay
Dad baa xalaaleystay Rabbigeey wuxuu xarrimay
Dumarka in la xoogo iyo tuugo waa xun tahay
Waxa xadgudubkaahi Rabbi wow xisaaban tahay
Malaa’igo aan daal la xuurtoonin bay
xafida
Jiir xanuunkiyo nimankeennu ma leh xusuus
Xukun jeclaantiis ayaa xaasidiin ka dhigay
Kuwaannu xambaarnay oo nuugay xooxdayada
Kuwo xaq nagu leh kuwo aan xilo u nahay
Weysku xirannahee raggu xiisadey kacsheen
Xawaleeyey sidee baan ku xallinnaa?
